Il-qima tal-Knisja lejn l-Ewkaristija

Abstract

Bla dubju ta' xejn l-ebda komunita' Kristjana ma tista' tinbena jekk bħala pedament u ċentru tagħha ma jkollhiex iċ-ċelebrazzjoni tal-Ewkaristija Mqaddsa, li hi l-għajn li minnha joħroġ l-ispirtu komununitarju li janima l-Knisja. L-Ewkaristija, minnha nnifisha, tfisser u tipproduċi dik l-unita' u l-imħabba li Kristu xtaq isaltnu fil-Knisja tiegħu. L-espressjoni 'tisma' l-Quddiesa' ftit tagħmel sens jekk biha nifhmu biss preżenza fiżika passiva waqt iċ-ċelebrazzjoni. Għall-kuntrarju, bis-sehem attiv tiegħu waqt iċ-ċelebrazzjoni, in-Nisrani jifhem jingħaqad ma' Ġesu' Ewkaristija b'ħajja li tixbah lil tiegħu, waqt li flimkien mal-vittma divina joffri lilu nnifsu lil Missier. L-erwieħ tassew ewkaristiċi jħarsu lejn il-Misteru tal-Fidi fil-milja kollha tiegħu, mhux biss fiċ-ċelebrazzjoni tal-Quddiesa iżda wkoll fil-ġimgha lejn ix-Xbihat Imqaddsa li jibqgħu wara l-Quddiesa u li jintrefgħu biex il-grazzja tas-Sagrifiċċju tiżdied aktar [...].