L-ideoloġija tan-novella Maltija

Abstract

“It seems to me the first issue about which we need to come to some understanding - if for no other reason than to call a truce on it - is the issue of definition.” Is-sejħa li jagħmel Charles E. May fl-introduzzjoni għall-antoloġija seminali tiegħu hija waħda li tiġbor il-qofol tad-diskors kritiku kontemporanju li għadu fil-biċċa l-kbira kkonċernat bit-tiftixa għad-definizzjoni elusiva tan-novella. Kontra l-kritika ta’ forom bħal ma huma r-rumanz u l-poeżija fejn din il-preokkupazzjoni qajla tintwera — fis-sens li bħala ġeneri dawn it-tnejn jitfanndu, b’ xi mod jew ieħor, fit-tradizzjoni tal-preskrizzjoni klassika — in-novella moderna għad m’għandhiex corpus teoriku daqshekk vast li laħaq stabilixxa definizzjonijiet fissi li dwarhom intlaħaq kunsens. [Silta mid-Daħla Metodoloġika]