Mir-rumanz għall-film : l-adattament ta' ‘Is-Sriep Reġgħu Saru Velenużi’

Abstract

L-għan ta' din it-teżina huwa li tistudja r-relazzjoni bejn ir-rumanz ta' Alex Vella Gera u l-film bid-direzzjoni ta' Martin Bonnici u l-iskript ta’ Teodor Reljić. Filwaqt li tikkumpara l-aspetti li baqgħu l-istess jew inbidlu fil-proċess tal-adattament, tħares mill-qrib lejn il-kwistjoni tal-fedeltà fl-adattament. L-analiżi tintrabat ma' dak li kitbu dwar l-adattament, il-letteratura, u l-film teoristi bħal Robert Stam u Linda Hutcheon. Flimkien mat-teorija li tinsilet mix-xogħol ta’ diversi teoristi prominenti fil-qasam taladattament, din it-teżina tinkludi fiha intervisti mal-iktar nies fundamentali għalladattament ta’ Is-Sriep Reġgħu Saru Valenużi li jinkludu lil Martin Bonnici u Teodor Reljić. Permezz tal-opinjonijiet tagħhom dwar dak li tgħid it-teorija, nanalizza aħjar dan il-fenomenu artistiku li qed jikseb popolarità fil-kultura tagħna. B’hekk din irriċerka tgħin biex min jixtieq jirrifletti fid-dettall fuq xi qasam tal-adattament u jinteressa ruħu fl-analiżi ta’ dak li qiegħed jiġri lokalment, ikollu qafas ta’ riċerka ffukata bil-Malti.