Il-karattru tal-qassis fin-narrattiva Maltija

Abstract

Għal ħafna snin, il-Knisja kellha influwenza kbira fuq is-soċjeta` Maltija. Bħala rappreżentant tal-Knisja fost il-poplu, il-qassis kellu rwol ewlieni x'jaqdi fil-ħajja tar-raħal. Karattru ċentrali b'pożizzjoni tant importanti u osservat minn kulħadd, il-qassis malajr sab ruħu taħt il-lenti tal-kittieba letterarji. L-ambjent raħli deskritt kemm-il darba fin-narrattiva Maltija ma setax jgħaddi minghajr il-figura tas-saċerdot u b'mod speċjali tal-kappillan. Minħabba f'hekk, dan il-karattru żviluppa f’karattru tipiku tal-letteratura ta’ pajjiżna u jidher f għadd imdaqqas ta' xogħlijiet. Madankollu r-rwol tiegħu ma baqax wieħed sterjotipat iżda offra aspetti varji li jixħtu dawl fuq il-bidla fil-mentalita` tas-soċjeta`. Fl-isfond ta' 1-iżvilupp tal-karattru tal-qassis fil-letteraturi barranin, dan ix-xogħol, għalhekk, ifittex li jinvestiga 1-karatteristiċi ewlenin ta' numru ta' karattri klerikali preżenti fin-narrattiva Maltija u jistħarreġ il-bidla fir-rwol tagħhom tul iż-żminijiet. Il-figura tradizzjonalment twajba u gusta tal-qassis matul is-snin ħalliet post għal kundanna ħarxa tal-kleru fit-tieni nofs tas-seklu għoxrin. Fl-istess waqt, il-qerq tal-qassisin ta' 1-isem kien bilanċjat mill-integrita` ta' qassisin ideali li jagħrfu jimxu fuq il-passi ta' Kristu anki fid-diffikultajiet ġodda li jsibu ma' wiċċhom. B'dan il-mod, is-suċċessi u 1-fallimenti li jikkaratterizzaw lill-qassis fin-narrattiva Maltija finalment jippreżentaw karattru li minn wieħed sterjotipat żviluppa f’simbolu tal-kuxjenza morali ta' soċjeta` Ii qed tinbidel.