Il-kunċett ta' l-imħabba f'Ġorġ Pisani

Abstract

F'din id-dissertazzjoni se norbot il-kunċett ta' l-imħabba max-xogħlijiet letterarji ta' Ġorġ Pisani. Għażilt lil Pisani ghal diversi raġunijiet, iżda r-raġuni ewlenija hija li s'issa ftit li xejn saru studji fuq dan il-kittieb li ta sehem sħiħ fil-letteratura Maltija. Għalhekk deherli Ii huwa xieraq Ii erba' snin wara mewtu jkun hemm xogħol li jagħti stampa ċara ta' kif il-kunċett ta' 1-imħabba huwa mwettaq f'xogħlijietu. Dan ix-xogħol huwa analiżi ta' l-għamliet differenti ta' mħabba f'Pisani. Biex stajt nagħmel din l-analiżi kelli nidħol fid-dettall fit-tifsira tal-kunċett ta' 1-imħabba fil-letteratura. Ma stajtx inħalli barra r-rwol tiegħu fi żmien ir-Romantiċiżmu Malti u għalhekk tajt idea ta' kif il-letteratura Romantika żvolġiet lil hinn minn xtutna u influwenzat il-kittieba Maltin. Nittama Ii din it-teżi tkun utli ħafna għal min irid ifittex u jsir jaf iktar dwar il-kontribut Ii dan il-poeta ta lil-letteratura Maltija u li tagħti gost lil min jaqraha daqskemm ħadt gost jien niktibha.