Il-Madonna fil-poeżija Maltija

Abstract

L-għan ewlieni tiegħi hu li nqiegħed il-poeżiji fil-kuntest letterarju u nipprova nuri li huma prodott soċjali li ma setax jiġi evitat. Sa nipprova niġġustifika l-eżistenza ta’ dan il-movement letterarju u nivvalutah. Mhux l-għan tiegħi li nfaħħar il-ħafn poeżiji medjokri dwar il-Madonna. Huwa iktar l-għan tiegħi li nesponihom u nuri fejn il-poeti kienu qed jiktbu dwar dan is-suġġett biex jimxu mal-konvenzjoni u fejn il-poeti rnexxielhom jipproduċu xi ħaġa siewja dwar din it-tema li kienet saret hekk komuni u mġebbda. Barra minn ser ninqeda b’dan l-istudju biex nuri li mhux is-suġġett li jiddetermina l-kobor u l-valur letterarju tal-poeżija, iżda t-trattament tas-suġġett. Dwar dan is-suġġett inkitbu ħafna poeżiji ta’ valur żgħir, iżda nsibu xi poeti li rnexxielhom jinqatgħu mill-oħrajn u jiktbu b’mod frisk u oriġinali minkejja li kienu mxekklli mil-limitazzjonijiet tal-ħsieb. Sakemm il-poeżija reliġjuża tmiss l-għammiq tal-qalb u toħroġ fost it-taqbid u l-konflitti ħorox tar-ruħ, din tibqa’ dejjem tagħmel sens. U fil-letteratura Maltija, għandna, għalkemm ftit, poeżiji reliġjużi, ukoll Marjani, ta’ din il-klassi.