Il-viżjoni romantika tan-natura fil-poeżija ta' Anton Buttigieg

Abstract

F’din it-teżi se nagħmel studju fid-dettall dwar in-natura fil-poeżiji ta’ Anton Buttigieg. Bħala l-poeta tan-natura, it-tema ewlenija tal-poeżiji tiegħu hi n-natura. Se nislet l-argmenti ewlenin li għandhom x’jaqsmu man-natura u li dan il-poeta jipproġettalna permezz tal-poeżiji tal-poeżiji tiegħu. F’din it-teżi jispikka l-kunċett tas-sabiħ fin-natura u s-sabiħ li jwassal għat-tjubija fin-natura. Il-bniedem hu dak li jeqred lin-natura u għalhekk jidher bħala ħażin. Biss insibu wkoll xi ħlejjaq tan-natura li jidhru ħżiena. Fost in-natura nsibu l-imħabba safja minħabba li fost il-ħlejjaq ma nsibu l-ebda ħjiel ta’ ħażen. Jissemma’ wkoll Alla li ħalaq lin-natura. Għalhekk in-natura hija sagra u minħabba f’hekk jeħtieġ li tingħatalha qima. Tidher ukoll il-metafora tan-natura. Ċerti elementi tan-natura huma mmetaforizzati sabiex juru xi stat tal-ħajja.