L-emigrazzjoni fin-narrattiva Maltija

Abstract

Din it-teżi saret bl-għan Ii tigi mistħarrġa r-rabta Ii hemm bejn in-narrattiva u l-fenomenu ta' l-emigrazzjoni. Minkejja Ii ghal snin twal dan kien jagħmel parti mill-ħajja Maltija, ftit Ii xejn sar diskors analitiku dwaru. Uħud mix-xogħlijiet mistħarrġa jittrattaw żmien il-kittieba filwaqt Ii oħrajn huma miktuba fuq l-imgħoddi Ii kienu semgħu dwaru jew Ii kienu jiftakru. Kollha rriproduċew il-fenomenu fuq bażi storika iżda żiedu wkoll elementi misħajla biex ixerrdu kuxjenza fost il-qarrejja Ii aktarx, ma kinux messew mill-qrib miegħu. L-ewwel kapitlu jagħti ħarsa ġenerali lejn l-emigrazzjoni bħala tema u t-tieni wieħed jiffoka fuqha bħala parti mill-Istorja ta' Malta. It-tielet kapitlu jixħet dawl fuq ix-xogħlijiet letterarji Ii b'xi mod jiddiskutu l-emigrazzjoni fi żminijiet differenti filwaqt Ii r-raba' u l-ħames kapitlu jidħlu iktar fid-dettall ta' kif żviluppat il-viżjoni tat-tbegħid mill-patrija matul iż-żmien. Fl-aħħar kapitlu hemm miġbura xi osservazzjonijiet Ii jikkonkludu dan l-istħarriġ.