‘II-Madonna taċ-Ċoqqa’ : bejn letteratura u soċjetà

Abstract

F'din id-dissertazzjoni se nanalizza t-teleserjil ‘ll-Madonna taċ-Ċoqqa’ ta' l-awtur Ġużè Diacono. Dwar it-terminu ‘teleserjil’ nixtieq nirrimarka Ii matul din id-dissertazzjoni, jien dejjem użajt it-terminu ‘teleserjil’ kif jinsab fid-‘Dizzjunarju ta' Termini Letterarji’ ta' Oliver Friggieri. Teleserjil huwa dramm televiżiv Ii jiġi mqassam f’diversi partijiet u jintwera f’puntati. It-teleserjil ‘ll-Madonna taċ-Ċoqqa huwa xogħol miktub direttament għat- televiżjoni. Dan jidher mill-fatt Ii fl-ewwel u l-unika verżjoni ta' dan it-teleserjil Ii ġiet ippubblikata sa llum, u Ii ġiet ippubblikata mill-‘Pubblikazzjonijiet Indipendenza’ fl-1997, hemm l-istruzzjonijiet li l-awtur kiteb biex jagħti gwida ta' kif għandha tintuża l-kamera fil-ġbid ta' ċerti xeni. Din id-dissertazzjoni hi maqsuma fi tliet taqsimiet. L-ewwel taqsima tikkonsisti f’tagħrif ġenerali dwar l-awtur Ġużè Diacono u dwar it-teleserjil ‘ll-Madonna taċ-Ċoqqa’. It-tieni taqsima tikkonsisti f’analiżi tat-teleserjil innifsu Ii ġie ppubblikat mill-‘Pubblikazzjonijiet Indipendenza’ fl-1997. It-tielet taqsima tittratta l-polemika li nħolqot minħabba r-reazzjoni qawwija Ii qamet min-naħa tal-pubbliku u ta' l-udjenza Ii ratu għall-ewwel darba fl-1979 meta xxandar fuq l-istazzjon televiziv nazzjonali.