Il-poeżija tan-nazzjon f'Dun Karm

Abstract

L-għan tiegħi wara din il-kitba huwa li nfakkar lil Dun Karm bħala l-poeta nazzjonali ta' pajjiżna u b'hekk se nispjega fit-tul il-poeżiji li jintrabtu mat-tema tan-nazzjon. Wara introduzzjoni qasira li fiha se niġbor il-bijografija ta' Dun Karm, se ngħaddi sabiex niddiskuti t-twelid tal-moviment favur in-Nazzjonaliżmu fl-Ewropa fis-sekli Tmintax u Dsatax. Hawnhekk se jissemmew il-personaġġi li ħadmu qatigħ sabiex l-ideoloġija tan-Nazzjonaliżmu tinxtered mal-Ewropa kollha, u Ii jinkludu lil Napuljun Bonaparti, Garibaldi, Mazzini u Cavour. Imbagħad id-diskussjoni se tgħaddi sabiex tiffoka fuq kif dan il-moviment ġdid laqat Iil Malta permezz tal-ħidma ta' Mikiel Anton Vassalli u Manwel Dimech u Ii kompla jingħata l-importanza fl-epoka tar-Romantiċiżmu bl-għajnuna tal-Letteratura Maltija u ta' poeti bħal Dun Karm. Fil-fatt l-attenzjoni tiegħi se tibqa' fuq Dun Karm u l-kontribut li ħalla fil-Letteratura Maltija meta ppreżenta l-viżjoni tiegħu ta' pajjiżu bħala nazzjon li għandu jingħaraf għall-kwalitajiet tiegħu, u Ii jagħżluh minn kull nazzjon ieħor fid-dinja. Dan għamlu fiż-żmien meta Malta bdiet tagħmel l-ewwel passi tagħha lejn l-indipendenza politika. Huwa għalhekk li l-bqija tal-kapitli f din it-teżi se jiffukaw fuq il-poeżiji ta' Dun Karm b'rabta mal-lingwa Maltija, l-eroj Ii taw ħajjithom għal Malta, l-ambjent naturali Malti, id-drawwiet tipiċi Maltin, l-episodji storiċi ta' Malta b'relazzjoni mat-twemmin Kattoliku u l-kunċett ta' Malta bħala l-omm nazzjonali tal-Maltin kollha.