Siġar u arbuxelli fit-toroq ta' Għawdex

Abstract

Is-siġar u l-arbuxelli, Ii jiffurmaw parti fundamentali mill-flora, huma ġeneralment assoċjati mal-bijodiversita Ii nsibu fil-kampanja. Huma parti importanti fl-ekoloġija ta' kull pajjiż. Matul is-snin il-bniedem beda jikkultiva siġar u arbuxelli, għall-bżonnijiet tiegħu, fosthom għall-ikel, iżda wkoll biex iżejjen il-ġonna tiegħu. Inqeda wkoll bihom mhux biss biex iżejjen daru iżda wkoll biex isebbah l-inħawi Ii jgħix fihom, il-bliet, il-pjazez, kif ukoll it-toroq kemm prinċipali kif ukoll sekondarji. Ma kienx kuntent bis-siġar u l-arbuxelli endemiċi jew indiġeni ta' pajjiżu. Ried iżid magħhom, u daħħal minn pajjiżi oħra bosta speċi ta' siġar u arbuxelli minn kull rokna tad-dinja. Mhux hekk biss. Matul il-milja taż-żmien huwa nissel, iġġenera u xettel ħafna varjetajiet ta' kull għamla u ta' kull ġens mill-ispeċi naturali ta' ħafna siġar u arbuxelli. U llum fil-biċċa l-kbira tal-pajjiżi wieħed isib diversi siġar u arbuxelli eżotiċi jżejnu l-inħawi u l-ambjent fejn jgħix il-bniedem. Anke f'Għawdex ġara l-istess.